"Notícia em Português"
Dili/DNRN -Bebora, loron kinta feira 1-02-2018,Ministra Justisa Dra. Maria Ângela Carrascalão simu no entrega ba Diretór interino (DNRN), Eng. Nelson Belo, equipamentus elektronika informátika digital ho kareta rua (2), ajuda hosi Portugal no Uniaun Europeia ba nasaun nén (6), País Lingua Oficial Português (PALOP) Timor-Leste, hanesan : Portugal, Guine Bisau, São Tome Princepe, Moçambique, Angola ho Cabo Verde.

Diskursu hosi Ministra Justisa hateten, agradese tebes ba apoiu ho Uniaun Europeia Portugal kontinua fó apoiu mai Timor-Leste hodi halo modernizasaun serbisu ba atendimentu administrasaun públiku, ho ida ne'e marka ona passo ida ba oin hodi alargamentu ba Munisipiu hanesan: Liquisa, Manatutu, Aileu, Manufahi, Viqueque no Ainaro. Bilhete Identidade (BI), importante tebes ba sidadaun sira hotu-hotu atu trata dokumentus ba Estadu. Projetu ne'e ba Boa Governasaun especial dezenvolvimentu ba Estadu Timor-Leste.

Modernizasaun dezenvolvimentu laos lao iha kapital Dili maibé abragen mós ba Munisipiu sira hotu-hotu iha Timor-Leste laran tomak.

Iha mós intervensaun hosi Embaixador Portugal iha Timor-Leste, Dr. José Pedro Machado Viera hateten projetu ne'e importante ho kualidade ba atedimentu administrasaun públiku, liu-liu informasaun informátika ne'ebé DIGITAL ho nune'e atu atedimentu administrasaun públiku ne'ebé DIAK ba futuru oin mai. Projetu hahu komesa aban 2-02-2018, iha Munisipiu Liquisa no sei kontinua ba Munisipiu seluk hanesan : Aileu, Ainaro, Manatutu, Manufahi, Viqueque, atu garanti ba sidadaun iha Munisipiu atu trata dokumentus Estadu Timor-Leste.

Ikus liu intervensaun hosi representante Embaixador União Europeia Dr. Alexandre Zafiriou hateten apresia tebes ba programa apoiu ba País Africano Lingua Offisial Português (PALOP), ho nasaun Timor-Leste para dezenvolvimentu sistema informasaun teknologia informátika.

Hau apresia mós pretasaun serbisu ba funsionáriu ne'ebé pontu fokal ho Ministériu Justisa.
Serimónia ne'e hahu tuku 15:00 no termina tuku 16:41.