"Notícia em Português"
Dili – Bebora , loron segunda feira 29-01-2018, Ministra Justisa Dra. Maria Ângela Carrascalão, halo Inspesaun ba diresaun rua (2), Diresaun Nasional Registo Notariado (DNRN), Diresaun Nasional Terras e Propriadades (DNTP).
Iha inspesaun ne'e Ministra Justisa Dra. Maria Ângela Carrascalão, atu hare besik no buka rona sá dezafiu ka obstáku sira diresaun Registo Notariado no Terras e Propriadades hasoru lor-loron, liu-liu atendimentu públiku nian.

Hosi diresaun Registo Notariado Dr. Nuno Lobato (Notaris), explika kona-ba serbisu atendimentu públiku ne'ebé Registo Notariado hasoru lor-loron nian. Hosi xéfe departamentu mediasaun no disputa Eng. Rodrigo Mendonça explika kona-ba serbisu mediasaun no disputa ba rai ne'ebé hasoru ba públiku iha tempo halo mediasaun.
Ministra Justisa apresia ba serbisu hosi diresaun rua (2) ne'e, ho hanoin katak iha lacunas ka obstáku sira ne'e atu bele hadia liu-liu ba atendimentu públiku nian no administrasaun. Ministra Justisa hateten hau sei halo tan inspesaun ba diresaun rua (2), ne'e iha tempo oin mai.

Iha inspesaun ne'e halao iha tuku 10:16 to'o 11:32.