APREZENTASAUN RELATÓRIO REZULTADU ATIVIDADE BA INSPESAUN AUDITÓRIA IHA DIRESAUN PSIK

"Notícia em Português"
Dili-PSIK , loron sesta feira 19 – 01 – 2018, Ministra Justisa Dra. Maria Ângela Guterres Viegas Carrascalão, akompanha Diretór Polísia Sientifíka Investigasaun Kriminál (PSIK), Dr. Vicente Brito, iha sala reuniaun Polísia Sientifíka Investigasaun Kriminál (PSIK), kai-koli Dili.
Polísia Sientifíka Investigasaun Kriminál (PSIK), harí iha tinan 2015 ho nian membrus hamutuk nain 121, Polísia Sientifíka Investigasaun Kriminal (PSIK), ezekusaun nian orsamentu rasik desde inisiu iha tinan 2016. Hosi departamentu Inspesaun Auditória halo inspesaun ba diresaun Polísia Sientfíka Investigasaun Kriminál (PSIK), ne'ebé hetan lacunas / obstakulu lubuk ida ne'ebé hosi diresaun Polísia Sientifíka Investigasaun Kriminál (PSIK) hasoru.
Tuir Inspesaun Auditória Dr. Octavio da Conceição hateten iha Polísia Sientifíka Investigasaun Kriminal (PSIK), durante halo inspesaun audit hetan liu-liu ba limitasaun atendimentu administrasaun públiku iha Gabinete Diretór PSIK. Explika mós kona-ba óras serbisu tuir lei funsaun públika artigo 50 lei 5/2009 katak óras serbisu normal ba funsionárius sira maka hanesan :
- Óras 8 iha loron ida
- Semana ida óras 40
- Fulan ida ka loron 20 ho total óras 160.

Iha Inspesaun ne'ebé audit sira halo iha diário nota katak. – Investigador, peritus no funsionárius Polísia Sientifíka Investigasaun Kriminál (PSIK),maioria kúmpri dever pontualidade no asisuidade maibé balun percisa dezenvolve no kuriji ba kumprimentu ba dever refere . Rekomenda mós ba parte finansas atu produz relatório ezekusaun orsamentu kada trimester atu nune'e bele fasilita parte hotu atu asesu no hatene kona-ba ezekusaun orsamentu.
Intervensaun hosi Ministra Justisa Dra. Maria Ângela Guterres Viegas Carrascalão fó apresiasaun ba aprezentasaun serbisu departamentu Inspesaun Auditoria hosi Polísia Sientifíka Investigasaun Kriminál (PSIK), ne'ebe klaro e kompletu no hetan lacunas / obstakulu lubuk ida ne'ebé hosi diresaun Polísia Sientifíka Investigasaun Kriminál (PSIK) hasoru. Polísia Sientifíka Investigasaun Kriminál (PSIK), diresaun ne'ebé foun foin harí iha tinan 2015, ne'e duni buat balu maka seidauk diak ita tenki hadia. Hau apresia ba serbisu inspesaun audit durante halo no hare ba limitasaun rekursus atedimentu administrasaun públiku iha departamentu Polísia Sientifíka Investigasaun Kriminál (PSIK), liu-liu Gabinete Diretór PSIK, hau hanoin ita bele hadia no buka frakesa saida maka Polísia Sientifíka Investigasaun Kriminál (PSIK) hetan.
Enkontru aprezentasaun ne'e importante tebes ba diresaun Polísia Sientifíka Investigasaun Kriminál (PSIK), atu hadia buat ne'ebé seidauk lao ho diak iha Polísia Sientifíka Investigasaun Kriminál (PSIK). Ita hotu hanesan servidor ba povu oinsa atu serbisu diak iha tinan ne'e. Hau husu ba ita bót sira atu apreveita no buka hatene diak hodi implementa ba kada ida-ida nian departamentu Polísia Sientifíka Investigasaun Kriminál (PSIK). Orsamentu duodésimu ne'ebé limitadu no ezekuta tuir procedimentu LEGAIS ne'ebé tuir lei iha ona. Ita maka fornesedor ba Estadu nian, serbisu administrasaun ne'ebé diak no hatuta ba malu hodi sai bót. Ita hotu maka Estadu, ita hotu tenki serbisu maka'as ba fornesementu Estadu ne'e no hakrut ba lei, husu ba funsionárius no xéfe departamentu Polísia Sientifíka Investigasaun Kriminál (PSIK), atu serbisu hamutuk no fahe ideias, opiniaun no buka hatene tuir knar ida-ida nian funsaun serbisu.
Tuir mai intervensaun hosi Diretór Polísia Sientifíka Investigasaun Kriminál PSIK, Dr. Vicente Brito hateten ezekusaun orsamentu ba tinan 2017 ne'ebé iha rezultadu Audit Internal hetan risco ne'ebé identifika ona, ho nune'e liu hosi aprezentasaun ohin nian ne'e husu atu ita hotu buka salusaun diak ba problema sira ne'e, buka estrategia ne'ebé diak kona-ba financeira atu bele lao ho transparente iha tinan 2018. Departamentu Inspesaun Auditoria sei halo kontinua aprezentasaun serbisu nian durante fulan (3), liu ba tinan 2017.
Depois entrega relatório Inspesaun Auditória ba ezekusaun orsamentu Polísia Sientifíka Investigasaun Kriminál (PSIK) no atividade dezempenu tinan 2017, hosi xéfe departamentu Inspesaun Auditória Dr. Octavio da Conceição ba Diretór Polísia Sientifíka Investigasaun Kriminál (PSIK) Dr. Vicente Brito no axiste hosi Ministra Justisa ho funsionárius tomak iha sala reuniaun Polísia Sientfíka Investigasaun Kriminál (PSIK), kai-koli Dili.
Iha sensaun lokraik sei halao diskusaun grupu hodi hare frakesá ne'ebé departamentu ida-ida hasoru.
Enkontru ne'e hahu tuku 9:00 to'o 11:27, Ministra Justisa fila mai Gabinete hodi kontinua serbisu iha parte lokraik.

Honorio Santos
Media Officer
Gabinete Ministra Justisa