"Notícia em Português"
Dili - Timor Plaza (TP), loron 18-01-2018, kinta feira tuku 16:00 lokraik, Sua. Excelência. Ministra Justisa Dra. Maria Ângela Guterres Viegas Carrascalão, partisipa Cerimónia de Atribuição do Certificado de Investidor Empresa PELICAN PARADISE, iha pisso hat (4), sala komferencia center Timor Plaza. Iha cerimónia ne'e assina akta memorandu hosi Sua. Excelência.

Primeiro Ministru Dr. Mari Bim Amude Alkatiri no axiste hosi membrus VII Governu Konstitusional.Diretór Datuk, Dr. Edward Ong, hamutuk ho parseiros nain 18 sira sei investe iha Timor – Leste Valor Investimentu maizemenus : US$ 700 milloens (Setecentos Milloens), total trabalhador direita ne'ebé sei emprega hamutuk 2000. Pelican Paradise iha planu atu harí hotel fitun 5 (5-start) no residensia ne'ebé kompleta ho fasilidade ba eventu Nasional no Internasional.

Hotel refere mós sei harí kuartu hamutuk 464 ho kualidade As. Lokalizasaun ba investimentu refere iha Tasi tolu (Dili), no Tibar (Liquica) ho total area hamutuk 554 ha. (Quienentos e Cinquenta quarto), (5.54 km). 20% hosi total investimentu iha Tasi tolu / Tibar sei utilize ba dezenvolve atividade investimentu no hosi 80% sei konservasaun. Investimentu Pelican Paradise mós sei harí eskola, Sentru Dezenvolvimentu Foinsae nian, Sentru Komersial, Hotel segundu, Hospital ho standar internasional no area rezidensia ida. Pelican Paradise mós iha planu atu halo atividade reflorestasaun iha foho lolon Tasi tolu ho total area hamutuk 350 ha. Hare hosi atividade investimentu refere maka sei lori impaktu positive ba ekonomia no social Nasaun nian.

Intervensaun hosi Sua. Excelência. Primeiro Ministru Dr. Mari Bim Amude Alkatiri hateten lori Governu nian naran hato'o agradesimentu ba kompania PELICAN PARADISE Holyns Multi Pessoal LDA, hamutuk ho kompania 18 seluk hodi hahu halo investimentu iha Timor-Leste. Foin permeira fase investimentu ida ne'ebé bót iha Timor-Leste, ho ida ne'e bele loke dalan ba investor sira seluk bele tama mai halo investimentu iha rai Timor-Leste. Fatin Tasi tolu, fatin ida saudavel tebes e fatin estrategia ba rai kapital Dili. Ohin loron kinta feira 18 – 01 – 2018, komesa assinatura akta memorandu ba empresa PELICAN PARADISE hodi halao dezenvolvimentu ba rai ne'e, nomós fó serbisu ba povu Timor-Leste, hatudu konfiansa ba rai ida ne'e. PELICAN PARADISE halo investimentu ba rai ne'ebé ho luan 300 ha, iha zona Tasi tolu (Dili), no Tibar (Liquica), segnifika foho lolon Tasi tolu no Tibar sei sai matak no buras. Hare ba siatusaun hanesan ne'e maibé povu Timor-Leste agora hakmatek, no povu iha ona maturinidade ne'ebé DIAK ba rai ida ne'e.

Diretór, Eng. Arcajo Babo hato'o nian intervensaun hateten apresia boa vindas ba Sua. Excelência. Primeiro Ministru ho membrus VII Governu Konstitusional, ohin lokarik ida ne'e onra bót assinatura no entrega sertidão empresa ba PELICAN PARADISE, ho ita hotu nian marka persensa iha fatin ne'e. Empresa PELICAN PARADISE molok atu hetan sertidão ka akta ne'e serbisu ho tempo ne'ebé naruk no to'o hetan. Hau hato'o obrigado ba Ministériu relevantes sira ohin lokraik ne'e PELICAN PARADISE hetan ona akta assinatura hodi halao dezenvolvimentu ba rai ne'e. Seremónia ida ne'e ita hotu nian apoiu nafatin ba investimentu ida bót e bele buras ba rai doben ida ne'e.
Serimónia assinatura akta ne'e hahu hosi tuku 16:00 lokraik no termina iha tuku 17:42.