SERIMONIA FESTA NATAL HAMUTUK FUNSIONÁRIUS MINISTÉRIU JUSTISA

Versão para impressão

Dili-MJ - Governu dahituk, S.E. Ministra Justisa Dra. Maria Ângela Guterres Viegas Carrascalão, akompanha hosi Vise Ministru Justisa Dr. Sebastião Dias Ximenes, Diretór Jeral Ministériu Justisa Dr. Henrique de Oliveira Ximenes, Inspetór Gia Dr. Lucas António da Costa Diretores Nasionais, Xéfe Departamentu, hamutuk ho funsionarius iha ámbito Ministériu Justisa hodi halo reflesaun no avaliasaun ba serbisu nian ne'ebé durante tinan 2017 nian laran. Antes atu halao serimonia Natal hamutuk, halo uluk orasaun reflesaun agradesimentu ne'ebé prizidi hosi Padre Juvito do Rego de Jesus Araujo, loron sesta feira 29-12-2017.
Iha serimonia ne'e Ministra Justisa hateten Natal hamutuk ne'e hanesan reflesaun no halo avaliasaun ba funsionárius tomak nian serbisu durante iha Ministériu Justisa, maske hasoru difikuldade barak maibé hanesan servidor Estadu tenki hakas AN nafatin hodi servi povu nasaun Timor-Leste, ita nu'udar servidor Estadu tenki hakru ba lei. Hau Ministra Justisa husu nafatin ba funsionárius tomak Ministériu Justisa atu serbisu kopera ba malu iha tinan 2018 oin mai, maske Governu Gestão ne'e to'o fulan 6 ka tinan 5, hau husu funsionárius tomak atu hare malu hanesan familia bót hosi Ministériu Justisa, lalika taka ba malu no fó hanoin nafatin serbisu ba malu. Iha tinan 2018 se fó NAROMA nafatin ba ita.
Vise Ministru Justisa hateten katak hau laiha buat diak ida mak atu fó ba ita bót sira hotu maibé hato'o deit hau nian BOAS FESTA SANTO NATAL e FELIZ ANO NOVO 2018 ba ita bót sira hatu, hau fiar katak tinan 2018 ida ne'e ita hotu sei serbisu ho diak hodi servi povu no nasaun ida ne'e.
Ikus mai intervensaun hosi Diretór Jeral Ministériu Justisa Dr. Henrique de Oliveira Ximenes hateten ne'ebé halao observasaun ba Pontus de reflesaun sira ne'ebé Ministériu Justisa halao ona iha tinan 2017, identifika erros desafius no desvantagens sira ne'ebé satan hela serbisu sira iha Ministériu Justisa ba futuru oin main.

Diretór Jeral mós salienta tan katak iha VI Governu Konstituisional Ministériu Justisa mak diak liu kompara ho Ministériu sira seluk maibé ida ne'e laos deit diak ba ami, maibé ida ne'e tanba esforsu ita bót sira nian hotu liu – liu iha Administrasaun. Ohin oportunidade diak tebes ba ita bót sira hotu atu bele koriji malu no observa ita bót nian serbisu durante tinan 2017 atu nune'e ita tama ba tinan 2018 ita bele iha mudansa serbisu, dehan Diretór Jeral. Hau husu ba funsionárius hotu-hotu ne'ebé durante ne'e serbisu hamutuk :" keta hau koalia lia fuan sala karik no la monu ba funsionárius nian laran karik hau husu deskulpa ita moris hanesan kriatura la ses hosi sala". Depois de kua ke no loke champaia hosi hosi konvidadus ho direjentes Ministériu Justisa.
Serimonia Natal hamutuk partisipa mós Presidente Tribunal Rekusus Dr. Deolindo dos Santos, Adjunto Prokurador Jeral Repúblika Dra. Zelia Tridade, representante PDHJ, Defensoria Públiku Dr. Sergio Hornai no familias funsionárius Ministériu Justisa tomak.

Serimonia Natal hamutuk termina iha oras 21:16 kalan.

Honorio Santos
Media Officer
Gabinete Ministra Justisa