MINISTRA JUSTISA HALAO VIZITA KORTEZIA BA PRIZAUN GLENO

Gleno-(PG) -Governu dahituk S.E. Ministra Justisa Dra. Maria Ângela Guterres Viegas Carrascalao, akompanha Ministro de Estado e Conselheiro para a Segurança Naçional DR. José Manuel Ramos Horta, Diretór DNSPRS Dr. Helder Belo, Diretór Prizaun Gleno Dr. Nito Maria dos Santos, loron sesta feira 29-12-2017.
Lian fuan Bem Vindo hosi presioneiros prizaun Gleno hateten furak oinsa ne'e kmanek oinsa ne'e baa mi nobun simu ho laran haksolok nai Presidente no lou Ministra Justisa ne'ebé vizita ami iha fatin feniténsia nian ne'e. Ami hirak iha ne'e hasoru laloran bót moris nian lori ami mai fára iha kalbosu. Balun Aman ne'ebé hosi hela fen no oan balun Inan hosi hela oan no ali-matan umakain nian balun oan : feto eh mane, hanesan filho pródigo buka hela oan rasik.

Intervensaun hosi Ministra Justisa hateten ohin hau mai vizita ho DR. José Manuel Ramos Horta atu hare ita bót iha fatin ne'e, iha VII Governu Konstituisional atu ajuda ba prekupasaun ita bót sira hasoru lor-loron iha fatin ne'e. Fatin ida ne'e hanesan reflesaun ida no rehabilita prisioneiros sira ne'ebé durante komete iha krimi hodi mai kúmpri sira nian dever iha prizaun tuir sira nian hahalok ne'ebé sira halo iha sosiadade nian let, depois sira kúmpri bainhira fila ba sosiadade bele kontribui ba dezenvolvimentu ba rai ida ne'e. Esperansa, domin iha vida tinan foun lori naroma ba imi hotu.
Tuir mai intervensaun hosi Ministro de Estado e Conselheiro para a Segurança Naçional DR. José Manuel Ramos Horta hateten Estadu Timor – Leste la haluhan ita bót sira, ami mai iha ne'e hodi hare kondisões, saude diak tuir direito humanos Konstituisional RDTL nian. Fatin ida ne'e ita bót sira kúmpri tuir sistema rekursus e to'o tempo atu sai hosi fatin ne'e. Tenki hare saude no aproveita saida ita bót sira apreden, atu kontribui ba nasaun ida ne'e. Ohin hau rona Diretór Prizaun Gleno hato'o prekupasaun kona-ba atribuito seguransa, farda ba guarda prisioneiros no prisioneiros sira, hau hatene sei falta buat barak iha prizaun ne'e. Ita bót sira mós iha direito atu kontribui ba dezenvolvimentu ba rai ida ne'e, saida mak apreden ka hetan hosi prizaun ne'e atu nune'e aban bainrua fila ba komunidade nian let bele implementa ita bót sira nian MATENEK ne'ebé hetan hosi prizaun ida ne'e. Ministro de Estado e Conselheiro para a Segurança Naçional DR. José Manuel Ramos Horta explika mós tuir dikreto lei no 14/2014 kona-ba INDULTO ba prisioneiros sira. Hau hato'o obrigado ita bót sira ne'ebé vesteja hau nia tinan 68 anos iha fatin ne'e. BOM ANO 2018.

Depois de kua ke no loke champaia, Ministra Justisa Dra. Maria Ângela Guterres Viegas Carrascalao ho Ministro de Estado e Conselheiro para a Segurança Naçional DR. José Manuel Ramos Horta sei halao vizita tama e sai bloko hodi hare kondisaun no buka rona saida mak prisioneiros sira nian prekupasaun lor-loron iha prizaun ne'e.
Serimonia ne'e termina iha oras 11:13, komutiva Ministra Justisa fila hikas mai Dili hodi prepara festa Natal Hamutuk Ministériu Justisa iha edifisiu foun, oras 16 lokraik.

Honorio Santos
Media Officer
Gabinete Ministra Justisa