MINISTRA JUSTISA ASSINA MEMORANDU KOOPERASAUN HO CHILD FUND TIMOR – LESTE

Dili/MJ -Gabinete Ministra Justisa, oras 8:00, loron tersa feira 19 Desembru 2017, Governu dahituk, S.E. Ministra Justisa Dra. Maria Ângela Carrascalão, akompanha Vise Ministra Justisa Dr. Sebastião Dias Ximenes, Diretora Child Fund Timor-Leste Dra. Bernice Roldan, Diretór Jerál Dr. Henrique Oliveira Ximenes, Inspetor Gia Dr. Lucas António da Costa, Vise Inspetor 1 Dr. Jaime Maia, Vise Inspetor 2 Dr. António Fatima de Jesus, Diretór DNRN Dr. João Fernando Martins Borges, Eng Nelson Manuel Moniz Belo (Ekipa hosi DNRN), Diretór Registo Notariado Bobonaro Dr. João Maupelo.
Projetu ne'e realize ona iha fulan Novembru 2016 to'o fulan Setembru 2017, servisu halao durante fulan sanulu (10) iha Munisipiu Liquisa hanesan registu ba Moris kobre iha suku tolu (3), hanesan Suku Hatuqesi, Suku Vatuvou, Suku Loidahar.
Sua.Excia. Ministra Justisa fó agradese tebes ba Child Fund ne'ebé fó apoiu ba asistensia servisu kooperasaun entre Instituisaun rua " Ministériu Justisa ho NGO Internasionál Child Fund. Programa ne'e importante kona-ba registu ba labarik idade 0 – 5 , atu implementa iha 20 suku Munisipiu Bobonaro. Hau husu atu bele halao ona tanba servisu importante tebes registu nasionál ba labarik sira e mós tenke kobre hotu ho susesu durante period 2017 – 2018 memorandu ne'e halao to'o remata, labarik barak iha Timor – Leste mak seidauk hetan registu.
Depois assina, memorandu. Memorandu ne'e durasaun ba tinan rua (2), hodi halao servisu monoturisasaun ka levantamentu registu ba labarik ho idade o – 5, iha 20 suku Munisipiu Bobonaro hanesan Postu Administrativo Atabae iha suku hat (4), Postu Administrativo Balibo iha suku lima (5), Postu Administrativo Maliana iha suku toli (3), Postu Administrativo Cailaco iha suku lima (5), Postu Administrativo Bobonaro iha suku rua (2).
Enkontru kuaze 30 minutus, depois de assina Memorandu fahe malu.

Honorio Santos
Gabinete Ministra Justisa
Media Officer