Macau - Iha loron daruak Sra. Ministra da Justisa Timor-Leste, Dra. Maria Ângela Carrascalão, nia vizita trabalho iha Região Administrativa Especial de Macau (RAEM), 12 dezembro 2017, halo enkontru kortezia ho Secretaria para Administração no Justisa-RAEM, Dra. Chan Hoi Fan iha nia k’nar fatin. Iha enkontru ne’ebé nakonu ho amizade ne’e, koalia liu kona-ba implementasaun akordu kooperasaun iha parte justisa nian entre Timor-Leste ho Macau. Hanesan ita hotu hatene katak, existi ona protokolu kooperasaun iha área justisa entre Timor-Leste ho RAEM ne’ebé asina iha 2008 liu ba. Sra. Ministra da Justisa, hanesan mos Ministra Justisa ba daruak ne’ebé halo vizita ofisial ba RAEM desde vizita ba dahuluk iha 2008, lori Timor-Leste nia naran, hato’o agradesimentu ba RAEM liu hosi nia hómologu SAJ ba apoiu tomak, liu-liu apoiu iha parte justisa nian. Husi protokolu ne’e, konsege realiza ona asaun formasaun rua nomos estudu komparativu ida iha Macau.

Asaun formativa ida ikus liu mak foin hala’o iha fulan outubru 2017 liu ba, ne’ebé parte Timor-Leste nian haruka jurista sira hosi Diresaun Nasional Asesoria Juridika no Lejislasaun (DNAJL),hodi partisipa iha asaun formasaun kona-ba implementasaun lei casamantu nian tuir Código Civil nomós tradusaun juridika (bilingue).
Iha sorin seluk, tópiku ida tan ne’ebé sai hanesan pontu diskusaun hosi governante nain rua ne’e maka kona-ba ba oin nusa atu hametin liu tan kooperasaun entre estadu rua ne’e, liu-liu iha parte justisa, ba kestaun sira hanesan kooperasaun iha material penal nomós transfêrensia pessoa condenado.
Enkontru ida ne’e, termina ho troka prenda hanesan simbolu ba hametin laxu amizade entre estadu rua.