Vise MJ Hala’o Lansamentu Tau Fatuk-Ain ba Mini-Loja Prizaun Becora

VISE Ministru Justisa, Ivo Jorge Valente, iha loron tersa, 22 fulan-Maiu, 2012 hala’o lansamentu tau fatuk-ain ba mini loja iha prizaun Becora hodi entrega mós premiu ba manan-na’in ba jogu sira entre prizionéirus iha prizaun Becora.

Iha seremonia lansamentu ne’ebé hetan mós partisipasaun hosi diretór hosi Diresaun Nasionál Servisu Prizionais Reinsersaun Sosiál (DNSPRS), Diretór hosi Karitas Australia inklui mós guarda prizionais no funisonariu ministériu.

Iha sermonia lansmaentu ne’e, Vise MJ hateten, harí mini-loja ne’e ho intensaun atu bele fa’an produtu ne’ebé prizionéiru sira prodús durante sira hetan pena iha prizaun.

Vise hateten, durante ne’e prizioneiru sira nia produtu fa’an ona iha airoportu no fatin sira seluk no hetan rendimentu ne’ebé di’ak hosi konsumedór sira.
“Hau hakarak agradese ba ONG Karitas Australia, tanba durante tinan 7 ona mak sira fó apoiu no suporta ba atividades iha DNSPRS tantu iha Becora no mós iha Gleno,” dehan Vise.

Vise Ministru ne’e hateten, ne’e hatudu komitmentu apoiu internasionais, liu-liu agradese mós ba governu Australianu ne’ebé maka iha komitmentu forte apoiu diresaun prizioais hodi transforma mentalidade hosi prizioneiru sira, ema hotu hein katak, atividade sira ne’e sei kontinua iha governu sira tuir mai.

nia relata mós, iha loron 11 fulan-Maiu 2012, liu-ba ha’u mai halo abertura ba atividade desportivas atu komemora loron restaurasaun independensia ba dasanulu (10). Atividade desportiva ne’e hanesan divertimentu ida ba sira.

Hala’o jogus oioion hanesan bola volley, catur, futebol salaun, iha prizaun Becora no mós iha prizaun Gleno.

Prizioneiru sira hetan apoiu hosi pormadór sira iha prizaun, ho guarda prizionais sira ne’ebé maka treinadu hodi bele transforma prizioneiru sira nia mentalidade.

Maske sira prizioneiru maibé sira mós hanesan ema ne’ebé partisipa hotu, estadu rekoñese sira nia servisu hodi transforma sira nia hanoin no sira nia servisu, bainhira sira hetan liberdade sira fila-ba komunidade sir abele sai ema ne’ebé maka sira nia hanoin di’ak ba sira nia komunidade rasik.

Kona-ba Lasnamentu tau fatuk ain ba mini loja iha prizaun Becora vise hateten, hanoin kleur ona, tanba prizioneiru sira halo produtus barak, hanesan human no servisu manuais sira seluk, hanesan sira bele halo karteira bele halo kadeira, hanesan halo tais, maibé buat hirak ne’e rai deit laiha aproveita buat ruma.

Tuir vise ministru ne’e, hosi diresaun koko tau ona iha fatin ruma, no ema iha interese tebes atu sosa. Ho ida ne’e karitas Autralia hanoin presiza atuiha fatin ida hodi bele fa’an prezu sira nia produtu.

Vise mós hateten, orsamentu ba obra mai hosi Karitas Australia ho nia montante US$ 23.000,00 fatin ne’ebé hetan apoiu hosi Karitas Australia ne’e guarda prizioneiru sira bele utiliza fatin ne’e hodi bele fa’an produtu sira ne’ebé prizioneiru sira prodús iha prizaun laran.*

Ananias Babo Horta
Medeia Officer Ministeiru Justisa