Dili-CCD/Governu dahituk, S.E. Ministra Justisa Dra. Maria Ângela Carrascalão partisipa Graduasaun Licensiatura Universidade Nasionál Timor Lorosa'e, GRADUADOS hamutuk 503, hosi fakuldade (4) hanesan, Fakuldade Direitu jeral (6), Fakuldade Engenharia civil hamutuk (95), fahe ba Engenharia Geologia Petroliu (7), Engenharia Informátika (27), Engenharia Cívil (31), Engenharia Elektronik (16), Fakuldade Medicina Jerál (33), Fakuldade Gestão hamutuk 104, fahen ba Gestão Komercio Turismo (34), Gestão (35), Gestão Siensia Ekonomia (35).

Iha serémonia ne'e partisipa mós hosi membrus governu dahituk, loron kinta feira 30 Novembru 2017.

Seremonia ne'ebé hahu oras 14:31, estudantes tama ho bicha, nune'e tuir ho estruktura universidade nian.

Intervensaun hosi Reitor Universidade Nasionál Timor Loron Sae Dr. Francisco Miguel Martins agradese bót aman no inan ne'ebé fó nian suporta ba oan sira to'o remata nian kursu. Husu ba graduados sira atu implementa "MATENEK" ne'ebé sira hetan iha universidade ne'e, hodi lori benefisiu ba estadu, no povu Timor – Leste.

Akresenta mós katak, ohin loron kompetisaun maka Ás iha rekursus umanus, bainhira la hatudu kualidade, sei defícil atu bele compete iha mundo globalizado. Nune'e mós hare potensia koperasaun seluk ne'ebé bele haklean no habelar MATENEK ba ema seluk.

Reitór ne'e mós rekonese katak graduados balu sei hetan difikuldade atu hetan serbisu, mai'bé nia korajen nafatin atu labele para atu buka no konsidera katak falha ne'ebé mak iha hanesan sucesso ne'ebé seidauk hetan.

Depois de serémonia gradusaun fahe malu.