Dili, CCD – Governu dahituk, S.E. Ministra Justisa Dra. Maria Ângela Carrascalão, akompanha hosi Ministru Agrikultura Dr. Estanislau da Silva, Ministru Turismu Dr. Manuel Vong, Vise Ministru Komersio Dr. Jacinto Gusmão, representante Banku Mundial no Empresaria sira iha Timor – Leste, oras 15:30 lokraik, loron sabadu 18 – 11 – 2017.
Iha semenáriu meza redonda ne'e iha Penalista nain hitu (7), representa feto empresaria privado iha Timor – Leste, empresaria sira hato'o sira nian apresiasaun ba governu dahituk ne'ebé marka presenca iha fatin ida ne'e hodi ami hato'o, ami nian obstákulu, lacunas durante ami hasoru iha vida bisnis nian.
Empresaria feto Timor – Leste husu ba Ministériu relevantes sira atu koopera ba serbisu hamutuk ba ami nian perkupasaun oin – oin, liu - liu kona'ba serbisu SERVE nia hanesan Sertidão Dividas ho durasaun badak fulan tolu (3), ami husu ho nune'e bele aumenta ba fulan nén (6). Ami husu mós kona'ba arendamentu ba rai e propriedades estadu nian durante ne'e ami hasoru.


S. E. Ministra Justisa Dra. Maria Ângela Carrascalão hato'o nia apresiasaun bót ba feto empresaria iha Timor – Leste ba susessu serbisu ba area bisnis. Ministra Justisa explika mós lei ba rai nian iha Timor – Leste, kona'ba procedimentu lei ba rai, ho Dekretu lei no 13 / 2017 tuir Konstituição RDTL nian.
Depois semenáriu S.E. Ministra Justisa sei halao vizita ba feira komemora ba loron internasional feto ba dala rua (2) iha Centro Convenções Díli. Ministra Justisa vizita feira ne'e atu vesteja loron feto no mós fó kongratula ba feto Timor – Leste ho nune'e atu promovel variadade feto empresaria sira nia ba bisnis ne'ebé iha area oin – oin.
Iha fatin seluk Presidente Embaixadora Wedo Sra. Cath Leen Goncalves hateten iha objectivo ba feira ne'e atu relembra komemora loron internasinal feto ba dala rua (2), empredadora iha Timor – Leste no promovel variadade feto empredadora nian bisnis ne'ebé iha area oin-oin. Problema ne'ebe ami indentifika no sai hanesan dezafiu ba ami feto emprezaria sira, mak liu - liu iha area kapasidade ba feto sira. Kona'ba kapasitasaun ne'e mos hanesan oportunidade ba ema emprendedor feto sira, kada ema ka grupu ida-idak no hosi grupu ida tenke ema na'in hitu (7) hodi aprezenta sira nia kompania hirak ne'e ba oin atu halo saida. Tanba ne'e, mak tuir nia presiza duni halo rejista nune'e WEDO bele identifika negosiu saida maka kompania sira atu halo no dezafiu saida mak kompania sira hasoru no oinsa bele buka dalan atu hakat liu dezafiu ne'ebe iha. Ho liafuan ikus liu fo motiva ba feto sira ho forsa no haforte ba ekonomia nasionál, ho nian MOTO FETO FORTE NASAUN FORTE.
PARABENS BA FETO TIMOR – LESTE.
Semenáriu ne'e termina iha oras 19:13