Ministra Justisa Dra. Maria Ângela Carrascalão Simu Vizita Kortezia Hosi Sekretário Konsulado Filipina

Dili, MJ -Governu dahituk, Ministra Justisa S.E. Dra. Maria Ângela Carrascalão simu vizita kortezia Sekretário Konsulado Filipina Sr. Jason Jovencio A. Anasarias, iha Gabinete Ministra Justisa, akompanha ho Sra. Merrelyn F. Ramos, tuku 11:10 dadersan, loron 16 – 11 – 2017.
Sekretário Konsulado Filipina Sr. Jason Jovencio A. Anasarias hato'o nia vizita kortizia primeiru ne'e hodi hato'o nia parabens no desejo susesu ba Dra. Maria Ângela Carrascalão nu'udar Ministra Justisa foun bá VII Governu Konstitusionál RDTL. Hanesan Ministra Justisa foun fó ita nia apresiasaun bo'ot ba Governu no Povu Filipina sira ne'ebé mak durante ne'e apoiu mai Timor – Leste," hateten Ministra Justisa.
Enkontru ne'e lidera hosi Sr. Jason Jovencio A. Anasarias hateten atu husu pedidu negosiasaun hodi renova lokasaun Konsulado Filipina nian tanba kontratu sei ramata iha 2018. Ministériu Justisa husu ona ba Konsulado Filipina atu renova arendamentu kontratu ba rai iha tinan oin mai. Koalia mós kona'ba relasaun serbisu, ne'e mós husu ba Ministra Justisa atu halo vizita ba Filipina.
Enkontru ne'e kuaze termina 30 minutu.

Honorio Santos
Gabinete Ministra Justisa
Media Officer