Ministra Justisa Halao Enseramentu Enkontru Ba dala XV Prokuradór Jerál Repúblika (CPLP) Iha Salaun Nobre MNEK

Versão para impressão

Dili,MNEK-Governu dahituk, Ministra Justisa Dra. Maria Ângela Carrascalão halao enseramentu ba enkontru XV hosi Prokuradór Jerál Repúblika CPLP nian, inklui Administrativa Espesiál Makau, iha salaun Nobre MNEK, oras 16:00, loron 27 – 10 – 2017.

Intervensaun Ministra Justisa hatete Iha ámbitu ida-ne’e, Prokuradoria-Jerál Repúblika kúmpri knaar ida ne’ebé As hodi aplika konvensaun tolu, be hili ona nia nu’udar autoridade sentrál ba saidá maka hatuur ona iha ne’ebá.

Hatuur ona instrumentu koperasaun judisiáriu balun, no agora presiza promove operasionliazaun no ajilizasaun, ho ida ne’e bele hamosu koordenasaun ida ne’ebé boot entre autoridade sentrál sira no halakon obstákulu sira ne’ebé maka iha, dudu serbisu hamutuk ho direitu entre órgaun sira no fortalesimentu rede kooperasaun sira.

Nesesidade hanesan ida-ne’e fó presaun liután bainhira ita hanoin serbisu judisiáriu hamutuk iha perspetiva prevensaun no kombate droga.

Kombate ba kriminalidade organizada nu’udar dezafiu ida iha kooperasaun judisiáriu internasionál, nomós iha espasu CPLP, no haforsa koopersaun ida ne’ebé boot entre Estadu sira hodi kombate ne’e sai efikás liután. Ne’e be, ha’u taka, ho haksolok ba espíritu kooperasaun di’ak iha-ne’e, ho komitmentu atu pratika ho di’ak liután hodi lori ita hakbesik ba objetivu be hanesan be presija ita debate: kooperasaun judisiária ne’ebé di’ak entre paíz lozófonu sira.

Iha enkontru ne'e Prokuradór Jerál Repúblika sira mós sei asina memorandum lubuk ida ne'ebé ninian mekanizmu sira elabora ona durante enkontru loron tolu (3).

Enkontru Jerál PJR CPLP ne'e eventu anual ida ne'ebé envolve PJR hosi país sira ho lingual ofisiál Portugés (CPLP). Enkontru jerál tinan ne'e, Prokuradór Jerál hosi Brazil no Guiné Ekitoriál mak la marka prezensa. Prokuradór hosi Rejiaun Administrativa Espesiál Makau (RAEM) hetan pozisaun nu'udar observadór permanente.

Enkontru enseramentu ne'e kuaze oras ida nian laran, depois de lancha fahe malu.

Honório Santos
Gabinete Ministra Justisa
Media Officer