Sorumutu Primeira Faze S.E. Vice Ministro da Justiça ho Funsiunário Ministério da Justiça

Dili-MJ , iha loron quinta feira 12-10-2017, oras tuku 09.30 Otl, S.E. Vice Ministro da Justiça (VMJ) ba governasaun dahitu nian, S.E. Sebastião Dias Ximenes, hala’o Sorumutu ho funsionáriu Ministério da Justiça nian iha sala Auditoria Ministério da Justiça Cai-Coli Dili, Sorumutu ho funsionáriu Ministério da Justiça ne hetan mos partisipasaun husi: Ex.mu. Director Jeral, Ex.mu. Inspetur Jeral, Ex.mu. assesores nasional no internasional, Ex.mu. seῆores Diretores, Ex.mu. seῆores Xefe Departamentus no funsionariu Ministério da Justiça.
Objectivo husi Sorumutu ba primeira faze ne’e: Atu conhece S.E. Vice Ministro no fahe hanoin b malu kona problema ne’ebe mak funsionariu sira hasoru iha periodo durante hala’o servisu.
liu husi sorumutu ne’e hahu’u husi liafuan badak ne’ebe mak hato’o husi Diretor DNAF, Sr.Crisogno da Costa Neto ne’ebe mak relata kona ba servisu kada direcão iha ministério da Justiça.
Tuir mai diskurso husi S.E. Vice Ministro aprejenta S.E. Vise Ministro nia biografia badak ba funsionário sira. S.E. Vice Ministro mos hatutan tan katak ita so bele dezemvolve ita nia rain wainhira ita iha disiplina, disiplina laos deit ba pontualidade maibe ba mos assiduidade. Além de disiplina S.E. Vice Ministro mos menciona pontu balu ne’ebe importante tebes ba funsinariu sira tenque cumpri mak hanesan tuir mai ne’e:
Pontu Primeiro, kona ba prinsipio Assecibilidade no Igualdade,
Pontu Segundo, kona ba prinsipio legalidade,
Pontu terceiro, kona b cordenacão
S.E. Vice Ministro Sebastioão Dias Ximenes mos hateten tan katak hanesan funsionáriu tenki kumpri dever hafoin iha ejije direitu.
Final husi discurso ne S.E. Vise Ministro sugere ba funsinariu tomak tenque aprende lingua portuguesa tamba lingua portuguesa ne lingua ofisial nebe Consagra ona iha ita nia Contituicão RDTL. Susar mai ita atu hatene ita nia lei wainhira ita lahatene lian portugues.


Juvenia Maria de Fatima da Silva
Media Officer
Gabinete Vice-Ministro de Justiça