DNDHC, MJ - hala’o sosializasaun ba rekomendasaun Konvensaun Direitu Labarik iha Munisipiu Covalima, Loron 10 Fulan Maio Tinan 2017.
Reprezentante Diretór DNDHC – Ministériu Justisa Sr. Helder Godinho Martins hato’o ba representante administrador covalima, autoridade lokal inklui mos sociadade civil, Profesores, Profesional Saude, Organizasaun feto, konvensaun religioso, Juventude no inklui mos membru komunidade balun. Reprezentante Diretor iha abertura hato’o objetivu programa sosializasaun ida ne’e, hodi haklean liu tan komunidade nian kuinesementu kona-ba Konvensaun Direitu Labarik iha Timor-Leste nomos adopta Konvensaun Direitu Labarik iha Tinan 2003 Hanesan estadu parte ba kovensaun ne’e iha obrigasaun hodi kria kondisaun tuir ejijensia ne’ebé define iha Konvensaun Direitu Labarik nian.
Abertura husi Representante Administrador Covalima Sr. Jacinto dos Santos fo obrigado ba oportunidade ida ne’ebe mai husi Diresaun Nasionál Direitus Umanus no Sidadania Ministériu Justisa bele mai hala’o sosializasaun no rekomendasaun Konvensaun Direitu Labarik kona-ba norma ho prosedimentu ka lalaok Direitu Labarik nian.
Aprezentasaun materia dahuluk hato’o husi Sr. Helder Godinho Martins kona-ba Konvensaun Direitu Labarik nomos Apresentasaun Sosializasaun rekomendasaun ba Estadu Timor Leste.


Aprezentasaun material daruak hato’o husi Xefe Departamento Sr. Francisco X. Vasco Soares kona-ba Prosesu hakerek Relatoriu Estadu nian ba Konvensaun Direitu Labarik nian.
iha sesaun ne’e husu no hatan husi partisipante, hodi responde pergunta ne’ebé mai hosi partisipante sira.
Sosializasaun ida ne’e. partisipa hosi reprezentante Administrador Munisipíu Covalima, Autoridade Lokál, Profesores, Profesionál Saude, Reprezentante feto, Sosiedade Sivíl, konvensaun religioso, , Juventude no inklui mos membru komunidade balun.

Jose M. de P. Mota/Tekniku Profesional
Adriano B. Soares /Assitente Tekniku