DELEGASAUN MINISTÉRIU JUSTISA HODI PARTISIPA IHA AVALIASAUN NO ASINA EXTENSAUN AKORDU KOOPERASAUN HÓ AJÉNSIA FORMADORA SMILE GROUP HÓ YOGJA EXECUTIVE SCHOOL “YES” IHA YOGJAKARTA – INDONÉSIA.

Versão para impressão

YOGJAKARTA, INDONESIA - Baseia bá orientasaun de trabalho husi Sua.Excia. Ministru Justisa nian, iha loron 07 fulan Abril tinan 2017, kona-bá autorizasaun hodi indigita Señor Director – Geral do Ministériu da Justisa, Dr. Henrique de Oliveira Ximenes, Señor Inspector - Geral, GIA Ministériu Justisa, Lucas António da Costa, núdar representasaun ka delegasaun Ministériu Justisa nian, hodi desloka bá aktividades vizita bá iha Jogyakarta – Indonésia atu assina akordu no memarando de entendimento existente bá formasaun nian, hahú husi loron 20 to’o loron 23 fulan Abrili tinan 2017.

Durante delegasaun ne’e hala’o nia vizita de trabalho loron rua (2) iha Jogjakarta – Indonésia, hodi avalia no assina akordu no memorando de entendimentu entre Ministériu Justisa Timor – Leste hó Ajénsia Formadora Smile Group no Yogja Executive School “YES” iha Yogjakarta - Indonédia.

Objektivu husi delegasaun Ministériu Justisa hodi partisipa iha assina akordu no memorando de entendimentu ne’e, mak oinsa Ministériu Justisa kontinuasaun fó importánsia bá dezenlvovimentu rekursu humanu liu bá ita ita-nia funsionáriu Ministériu Justisa nian hodi kontinuasaun tuir programa formasaun no kapasitasaun iha área oin - oin iha âmbitu Ministériu Justisa nian, nune’e hodi bele hasa’e koñesimentu no kapasidade téknika funsionárius sira nian, atu halo jestaun no administra diak liu tan, espesialmente bá organizasaun no funsionamentu diresoens hotu - hotu nian nudár órgaun ezekutivu iha Ministériu Jusisa nia mahón.

Iha loron 21, fulan Abril tinan 2017 parte dader nian, delegasaun Ministériu Justisa, hasoru malu hó Ajénsia Fromadora SMILE Group hó nia estrutura tomak, hodi avalia progreso no assina akordu no memorando de entendimentu entre Ministériu Justisa Timor – Leste hó Ajénsia Formadora Smile Group no Yogja Executive School “YES” estabelese tiha ona. Akordu de kooperasaun ne’ebé mak instituisaun rua (2) estabelesidu ona ne’e fokus liu bá : (1) Accounting and Finance, (2) Project Management, (3) Human Resource Management Information Tecnology, (4) Cartography, (5) Investigation, and (6) Correctional Institution.

Iha prosesu de assina akordu de kooperasaun ne’e rasik assinatura husi representante Ministériu Justisa Timor – Leste, Dr. Henrique de Oliveira no Direcitor Ezecutivo Ajénsia Formadora Smile Group mak Sr. Rahman Widade. Nune’e reprezentante Ministériu Justisa nian, Dr. Henrique de Oliveira, aktual Director – Geral Ministériu Justisa nian, iha nia intervensaun bá iha prosesu de assina akordu no memorando de entendimentu entre hó Ajénsia Formadora Smile Group, hateten katak, hó kontinuasaun bá kooperasaun diak hó Ajénsia Formadora Smile Group ne’e, bele eleva tan funsionáriu no ajénsia administrasaun públika partikularmente Diresoens Nasionais no Diresoens Outonóm iha âmbitu Ministériu Justisa, nune’e hodi kontribui tebes bá dezenvolvimentu no melhoramentu bá prestasaun servisu no dezenvolvimentu insitusionál Ministériu Justisa nian iha futuru mai.

Durasaun bá assina akordu no memorando de entendimentu hó nia implementasaun entre Ministériu Justisa hó Ajénsia Formadora Smile Group, Yogjakarta – Indonésia, hahú loron 21 fulan Abril tinan 2017, to’o loron 30 fulan Setembru tinan 2017, tuir mandatu VI Governu Konstitusionál RDTL nian to’o deít fulan Setembru tinan 2017 ida ne’e.

Iha loron hanesan 21, fulan Abril tinan 2017 parte lorokraík nian, delegasaun Ministériu Justisa, mós hasoru malu hó Ajénsia Fromadora Yogja Executive School “YES hó nia estrutura tomak, hodi avalia bá progreso no assina mós akordu kontratu de kooperasaun bá formasaun nian entre Ministériu Justisa Timor – Leste hó Ajénsia Formadora Yogja Executive School “YES”. Akordu kontratu de kooperasaun ne’ebé mak instituisaun rua (2) estabelesidu ona ne’e fokus liu deít bá “Área Formasaun Espesifíku hanesan formasaun kona-bá Informátika no Teknologia liu – liu kona-bá “Designer (Ostelista), Editing News, Layouter no Photografer.

Iha prosesu de assina akordu de kooperasaun ne’e rasik assinatura husi representante Ministériu Justisa Timor – Leste, Dr. Henrique de Oliveira no Director Ezecutivo Ajénsia Formadora Yogja Executive School “YES” mak Sr. Wahyu Setiaji. Nune’e reprezentante Ministru Justisa nian, Dr. Henrique de Oliveira, aktual Director – Geral Ministériu Justisa, iha nia intervensaun bá iha prosesu de assina akordu kontratu de kooperasaun hó Ajénsia Formadora Yogja Executive School “YES” hateten katak, hó kontinuasaun bá kooperasaun diak hó Ajénsia Formadora Yogja Executive School “YES”ne’e, bele eleva tan funsionáriu no ajénsia espesialista designer téknika layout bá nutísia ka buletim, nune’e hodi kontribui tebes bá dezenvolvimentu no melhoramentu bá prestasaun servisu no dezenvolvimentu insitusionál Ministériu Justisa nian iha futuru.

Durasaun bá assina akordu kontratu de kooperasaun entre Ministériu Justisa de Timor – Leste hó Ajénsia Formadora hó Ajénsia Formadora Yogja Executive School “YES” Yogjakarta – Indonésia, hahú husi loron 21 fulan Abril tinan 2017, to’o loron 30 fulan Setembru tinan 2017, tuir mandatu VI Governu Konstitusionál RDTL nian to’o deít fulan Setembru tinan 2017 ida ne’e. Wainhira akordu de kooperasaun entre instituisaun rua (2) ne’e termina iha loron 30 fulan Setembru tinan, iha posibilidade atu halo extensaun, maibé hein Governu foun ne’ebé mak sei mai ne’e hó nia politika hódi kontinua extende tan akordu kooperasaun ne’e to’o tinan 2018 ba oin.

Gabinete Director – Geral do Ministériu Justisa de Timor – Leste.