MINISTRU IVO VALENTE HALO AVALIASAUN BA INSTITUISAUN FORNESIDÓR FORMASAUN BA FUNSIONÁRIU PÚBLIKU MINISTÉRIU JUSTISA NIAN IHA YOGYAKARTA, INDONÉSIA

Versão para impressão

YOGYAKARTA, INDONÉSIA – S.E. Ministru Justisa, Ivo Valente halo avaliasaun ba instituisaun fornesidór formasaun ba funsionáriu públiku Ministériu Justisa mak hanesan Smile Group Yogyakarta no Yogyakarta Executive School (YES) iha Yogyakarta, Indonésia, loron Kinta-Feira to’o Sabadu (01-03/12/2016).

Iha tinan 2016, Ministériu Justisa halo agreement implementation ba formasaun rekursu umanus iha área administrasaun, finansas, lojistíku, protokolu no receptionist, arkivu eletróniku, graphic design, mídia no seluk-seluk tán ho Smile Group Yogyakarta no Yogyakarta Executive School (YES), Yogyakarta iha Indonésia.

Kooperasaun ne’e mak hadalan ona Ministériu Justisa hodi hetan apoiu finansiamentu ba formasaun liu hosi Fundo Dezenvolvimentu Kapitál Umanus (FDCH) hodi haruka nia funsionáriu públiku sira hodi tuir formasaun iha Indonésia.

Objetivu prinsipál ba formasaun ida ne’e mak; atu hasa’e koñesimentu no kapasidade tékniku funsionáriu Ministériu Justisa iha servisu administrasaun no atendimentu públiku, no mós téknolojia informatika nian (arkivu eletróniku, dokumentasaun no mídia). Aliénde ne’e, introduz mós oinsá komportamentu servisu no prátika utilizasaun téknolojia iha servisu loron-loron iha servisu atendimentu públiku.

Relasaun ho formasaun hirak ne’e, no tinan-ikus ba tinan sívil 2016, Ministru Ivo Valente buka hatene tuir lalaok formasaun no nia rezultadu mak atinzi ona, inklui dezafiu sira. Tanba-ne’e, iha loron 01 to’o 03 Dezembru 2016, Ministru Justisa, Ivo Valente ho nia-ekipa halo avaliasaun direitamente ba instituisaun fornesidór Formasaun ba Funsionáriu Públiku Ministériu Justisa nian iha Yogyakarta, Indonésia. Intituisaun hirak ne’e mak hanesan; (1) Smile Group Yogyakarta, no (2) Yogyakarta Executive School (YES) iha Indoenésio.

Ministru Ivo Valente aliénde hare’e besik formasaun sira ne’ebé la’o dadaun. Halo mós reuniaun ho formadór no xéfi insituisaun relasionadu sira hodi buka hatene estrutura formasaun nian, abilidade formadór sira, materia formasaun kada tipu formasaun nian ne’ebé mak intituisaun-rua ne’e fornese.

Sorin seluk, Ministru Ivo Valente diskute ho sira kona-ba dezafiu sira ne’ebé mak formadór sira hasoru, kestaun tékniku, no seluk-seluk tán.

Hafoin avaliasaun, avaliadór konsege deskobre dezafiu no planu nesesidade formasaun nian iha futuru mak hanesan tuir mai ne’e:
1. Tempu ba formasaun badak liu, tempu limitadu tebes tanba loron-5 de’it defisil atu haklean liután. Presiza atu aumenta tempu, minimu loron-7 atu nune’e formadu sira bele halo prátika barak liu tán.
2. Kontinuasaun formasaun ba funsionáriu sira iha área espesífiku, formasaun komplementáriu liu-liu oinsá moderniza administrasaun, e-filling (arkivu eletróniku), programmer no e-passport tuir kemampaun no koñesimentu funsionáriu idak-idak nian.
3. Kapasidade iha lingua balun sei minimu, lingua indonésio formadu balun araska oituan, maibé formadór sira halo aproximasaun maiz efetivu, halo komunikasaun persuasivu atu nune’e formadu bele komprende no tuir formasaun ho di’ak.
4. Formadu hosi Ministériu Justisa disiplina maka’as, sira tuir formasaun tuir orariu, disiplina tempu.
5. Relatóriu instituisaun nian, presiza halo nia valór formasaun, grade values ba formadu idak-idak nian bainhira remata nian formasaun. Atu nune’e, bele sai baze ba nível formasaun tuir mai, formasaun komplementáriu no baze ba promusaun karreira funsionáriu públiku sira.

Akompaña Ministru Ivo Valente iha prosesu avaliasaun ne’e mak; Diretór-Jerál, Sr. Henrique de Oliveira Ximenes, Inspetór-Jerál, Sr. Lucas António da Costa, Diretór Nasionál Administrasaun no Finansas, Sr. Crisogno da Costa Neto no Assessor Ministru Justisa, Sr. Joaozito Viana.




Maria de Lourdes Xavier Lin
Media Officer
Gabinete Ministru Justisa