OSSU-Diresaun Nasionál Rejistu Notariadu (DNRN) hamutuk ho Diresaun Nasionál Terras Propriedades Servisu Cadastrais (DNTPSC) iha loron 16 fulan-Setembru 2016 foinlalais ne’e hala’o divulgasaun Lei Nasionalidade no Asuntu rai nian iha Salaun Parokia Ossu Munisipiu Viqueque.

Iha divulgasaun lei ne’e reprezentante Sekretáriu Estadu Terras Propriedades (SETP) Diretór Nasionál DNTPSC Romao Guterres hateten, atu hetan legalidade sidadaun nian bainhira liu ona hosi DNRN, atu hetan legalidade hodi sai sidadaun ne’e mak hanesan tenki iha BI passaporte, Sertidaun RDTL nune’e mós sertidaun mate nian.

“Dokmentus ne’ebé maka iha relasaun ho eskola no sira seluk ita presiza liuhosi DNRN, tanba ne’e nia husu ba komunidade sira presiza rona diadi’ak hodi bele hatene ninia kriteria eh rekezitu sira, nune’e mós hanesan sidadaun oinsa maka ita bele kolabora di’ak ho kualker atividade estadu nian ne’ebé maka eziste iha komunidade nia leet.” Tenik Romao.

Iha divulgasaun ne’ebé programadu hosi DNRN ne’e, komunidade sira prekupa mós kona-ba Lei terras nian ne’ebé maka sei iha parlamentu, no oinsa prosesu ba ema sira ne’ebé maka ba okupa tutan ema seluk niania hela fatin.

Haree ba prekupasaun komunidade nian ne’e Diretór Nasionßal ne’e hateten, tuir lei Nú. 1/2003 hateten rai ho uma sira ne’ebé maka estadu portugés ho estadu Indonesia inklui mós ninia komunidade sira hosik hela, Estadu Timor-Leste liuhosi Terras Propriedade mak administra.

Tanba ne’e nia husu ba komunidade sira ne’ebé maka okupa fatin abandonadu ruma ruma ne’ebé konsidera estadu nian tenki ba halo rezistu iha munisipiu hodi bele halo kontratu areendamentu ho estadu.

Hanesan uma-na’in Administradór Postu Ossu hato’o ninia agradesementu ba iha lideransa Ministériu Justisa (MJ) sira tanba bele hala’o programa hanesan nee iha Ossu

Iha biban ne’e nia mos hato’o agradesementu ba iha DNTPSC tanba bele marka mós prezensa iha divulgasaun ne’e, nia mos fiar katak ho prezensa DNTPSC nian ne’e bele rezolve no bele fó solusaun ba iha problema rai ne’ebé maka durante ne’e sai prekupasaun komunidade sira nian iha Ossu.

Hanesan na’in ba divulgasaun lei sidadania nian ne’e Diretór Nasionál Rejistu Notariadu (DNRN) Victor da Costa Neto hateten, divulgasaun lei ne’e sei ko’alia liu kona-ba lei nasionalidade, tanba maluk estranjeiru sira barak tama iha Timor-Leste sira nia sidadania la klaru.

Nia mensiona mós kona-ba rezistu asossiasaun fundasaun, oinsa mak atu fó-sai dokumentu. rejistu iha asossiasaun fundsaun nian tantu estanjéiru, lokál ne’ebé hakarak investe liuhosi asosiasaun fundasaun nian.

Nee se mak hakarak rezistu kongregasaun TL barak mak seidauk rejistu maske TL hanesan nasaun ida neebe mak maioria ho Katolika.

Divulgasaun lei ne’e ko’alia liu kona-ba prosesu atu sai sidadaun hodi bele hetan ninia nasionalidade hanesan Timor oan no oinsa mak prosesu atu beleharí fundasaun ka organizasaun ruma ne’ebé maka bele iha ninia legalidade, no oinsa mak atu hetan legalidade hosi komunidade sira kona-ba fa’an no sosa rai ho uma.*