VIQUEQUE- Ministru Justisa Interinu atuál Sekretáriu Estadu Terras Propriedades Jaime Xavier Lopes iha loron 15 fulan-Setembru 2016 foin lalais ne’e lansa postu ospitaliridade no sertidaun moris nian ba kosok-oan sira iha Munisipiu Viqueque

Iha seremonia lansamentu ne’ebé maka hala’o iha Munisipiu Viqueuqe ne’e hahuu ho ko’a pita ba sala ospitaliraria ne’e no entrega sertidaun RDTL moris nian ba Reprezentante kosok-oan na’in 4 ne’e Ministru Interinu ne’e hateten labarik sira mak futuru nasaun ne’e nian.

Tanba ne’e, hanesan membru governu nia husu ba aman-inan sira hodi bele koidadu oan sira hodi sira bele hetan sira nia futuru ne’ebé di’ak iha nasaun Timór-Leste.

Hafoin lansamentu ne’ebé hetan mós pensaun hosi Amu Parokia Viqueuque nian ne’e, nia mós husu ba inan aman sira hodi bele koidadu didi’ak dokumentus ne’ebé maka sira simu,nune’e iha futuru mai bainhira sira atu bat rata buat ruma ne’ebé iha relasaun ho labarik, sir abele hatudu sertidaun DRTL hanesan dokumentus komprovativu.

Jaime mós hateten, nia hateten ne’e hanesan progresu boot ida ne’ebé mak Estadu TL liuhosi MJ bele kria ho Organizasaun Nasoens Unidas nian sira hodi iha hanoin ba iha futuru nasaun Timór-Leste.

“Sertidaun RDTL ba labarik sira ne’e hanesan ona passaporte ba sira tanba ne’e mak bele hatudu sira nia identidade loloos,” dehan Jaime.

Hanesan uma na’in Administradór Munisipiu Viqueque hato’o mós ninia agradesementu ba Ministru Interinu ho nia kometiva, hodi hateten mós, ne’e hanesna servisu todan ida tan ne’ebé maka munisipiu viqueque simu, no nia mós hateten lansamentu rezistu moris nian ne’e bele hakan tan komunidade sira hodi bele hasai sira nia setidaun ba moris nian.

Iha lansamentu ne’ebé mak hala’o ba dasia iha munisipiu ne’e Diretór Nasionál hosi Diresaun Nasionál Rejistu Notariadu, Victor da Costa Neto hato’o mós ninia agradesementu ba iha Ministériu Saúde ho UNICEF, tanba bele servisu hamutuk ho Ministériu Justisa hodi bele lansa sertidaun RDTL moris nian ba kosok oan sira iha munisipiu hotu.

Iha lansamentu ne’ebé hetan mós partisipasaun hosi Ministru Justisa Interinu atuál Sekretáriu Estadu Terras Propriedades, ne’ebé akompana hosi Xefe Gabinete Ministru Justisa, Komisaria Direitu ba labarik nian, Reprezentante UNICEF iha TL, Diretór Nasionál Rejistu Notariadu, Diretór Nasionál Terras Propriedades no Servisu kadastrais, inklui mós Diretór Notariadu Munisipiu ho nia konservadór sira hotu, inklui mós autoridade lokál Munisipiu nian, parte seguransa PNTL no parteira sira hotu hosi munisipiu Viqueque nian.*