DILI – ATL - Ministériu Justisa Tuir marcha desfile ne’ebé organiza husi Komisaun Funsaun Públiku, marcha desfile ne’e hahu husi Palasiu Prezidente Aitarak Laran to’o Palasiu do Governu, iha loron Sexta-Feira (17/06/16).
Marcha desfile ne’e hodi komemora loron aniversáriu Funsaun Públiku nian ne’ebé monu iha loron 15 fulan Jullu oin main, Funsaun Públiku mos organiza eventu futeball, basquetball, futsall, no koru entre funsionáriu Públiku husi lina Ministeríal nian.
Abertura ba marcha desfile ne’e husi Prezidente Komisaun Organizadora Florindo Napoleão, Prezidente Komisaun Funsaun Públiku (KFP) Faustino Cardoso, Komissária Komisaun Funsaun Públiku (KFP) Maria Domingas Fernandes Alves, Komissária Komisaun Funsaun Públiku (KFP) Dra. Olandina Caero, no Secretáriu Estadu Socio Ekonomia Muller (SEM) Veneranda Lemos.
Alende marcha desfile ne’e kada grupu ida hamutuk ema nain 21, hamutuk ho komandante parada, partisipa ba marcha desfile ne’e hamutuk grupu sanulu resin neen (16) mai husi Ministériu inklui mos Secretáriu Estadu sira.
Entretantu husi Ministériu Justisa mos hola parte ba eventu hirak ne’ebé Funsaun Públiku organiza. Objetivu ba eventu marcha desfile ne’e maka ‘Saude Diak’ ba funsionáriu sira, tamba dala barak funsionáriu sira lahalo exersísiu físiku (olahraga), wainhira ita nia físiku ladiak, nunka halo exersísiu maka moras oin-oin ataka ita, hanesan moras fuan ka sofre kurasaun, kolestrol, diabetes, cardiaku, isin matek, pulmaun, moras rins (ginjal), tumor, kánkru no seluk-seluk tan. Agora dau-daun ita hotu hatene katak moras sira ne’e mai husi hahan ka produtu sira ne’ebé iha kontaminadu ho kímiku makas, formalin barak, sira ne’e tama ba ita nia isin maka hamosu fali moras, tamba ne’e exersísiu físiku importante ba ita ema hotu-hotu.
Partisipa ba marcha desfile ne’e maka; Prezidente Komisaun Funsaun Publiku (KFP) Faustino Cardoso, Komissária Komisaun Funsaun Públiku (KFP) Maria Domingas Fernandes Alves, Komissária Komisaun Funsaun Públiku (KFP) Dra. Olandina Caero, Secretáriu Estadu Socio Ekonomia Muller (SEM) Veneranda Lemos, Diretór organizador husi Ministériu idak-idak nian, funsionárius, inklui familia husi funsionariu sira, hetan mos entusiasmu husi komunidade sira. Marcha desfile ne’e hahu husi tuku 14:30 remata 16:30 otl.