Ministériu Justisa, SEPI no SEJD divulga Lei no DH

iha Manatuto no Lautém

Ministériu Justisa (MJ) inklui Diresaun Nasional Direitos Humanos e Cidadania (DNDHC), Diresaun Nasional Registos e Notariado (DNRN), Diresaun Nasional Terras, Propriedades e Serviços Cadastrais (DNTPSC), Diresaun Nasional Politika Dezenvolvimentu Géneru (DNPDG) husi Sekretaria Estado Promosaun Igualidade (SEPI) no Komisaun Regulariza Artes Marsiais (KRAM) husi Sekretaria Estado Joventude no Desportu (SEJD) halo programa divulgasaun Lei no Direitus Humanus (DH) iha Sub-Distritu Lacló, Distritu Manatuto iha 26 Abril 2011 no Sub-Distritu Iliomar Distritu Lautém iha 27 Maiu 2011.

Programa ne’e nu’udár programa rutina husi Ministériu da Justisa iha tinan fiskal 2011 ne’ebé planeadu ona.

Ministériu Justisa liu husi S.E. Vise Ministru Justisa, Ivo Valente iha abertura hateten,” Tamba saida mak ami mai iha Sub-Distritu Iliomar, ba iha Manatuto, ba iha Suai, ba iha Oé-Cusse no ba iha fatin hotu-hotu atu fahe kuñesimentu?...Tamba saida mak hakarak fahe kuñesi-mentu ba ita nia povu sira? Dahuluk, ita nia situasaun difikulta teb-tebes ita entre kapital ho sub-distritu sira maske ita iha rede komunikasaun liu husi telefone, maibe ema hotu-hotu seidauk iha ; daruak, ita nia kondisaun estrada la dun diak ka seidauk diak, ida ne’e difikulta ita atu ba iha Lautém no ba iha Dili ; datolu, ita laiha komunikasaun ne’ebé diak hanesan televisaun hodi hare informasaun sira.

Entaun ita nia komunidade iha Iliomar lahatene saida mak akontese iha Dili, saida mak sai iha Dili, saida mak muda ona iha Dili enkuantu edukasaun sivika laiha. Edukasaun sivika inportante tebes wainhira ita seidauk iha meius komunikasaun ida diak atu bele kobre informasaun sira. Kuandu sidadaun sira la iha kuñesimentu konaba informasaun hirak ne’e mak komunidade sira la konstroi nasaun ne’e, kuandu ita iha kuñesimentu diak, ita nia hahalok bele konstroi dezenvolvimentu nasional, no ita hotu-hotu hatene ona trava ita nia-an.”

Iha fatin hanesan Director Diresaun Nasional Direitus Humanus no Cidadania (DNDHC), Sr. Celito Cardoso hateten,” Objetivu programa divulgasaun leis no Direitus Humanus ne’ebé mai husi nível nasional to’o iha nível sub-distritu Iliomar ne’e, katak importante liu atu transmite informasaun konaba de-zenvolvementu iha Sector da Justisa no Direitus Hu-manos ne’ebé IV governu Konstitusional atinje tiha ona, no saida mak atu halao liu tan iha futuru.

Tamba ne’e mak ohin ami mai to’o iha fatin ida ne’e atu hato’o progresu dezenvolvimentu iha area justisa nian. Programa hanesan ne’e ami halao ona iha Distritu 10 iha teritoriu tomak iha tinan 2010 no iha tinan ida ne’e ami halao ona iha distritu Oé-Cusse, Manatuto no ohin ami halao iha Sub-distritu Iliomar.”

Atu realiza programa Ministériu justisa nian ne’e, Diresaun Nasional Direitus Humanus no Cidadania servisu hamutuk ho:

Diresaun Nasional Terras, Propriedades e Serviços Cadastrais, koalia konaba Imple-mentasaun Regime Juridika Bens Imóves no Politika Governu konaba Lei Rai nian iha Timór-Leste, Diresaun Nasional Registo Notariado, koalia konaba implementasaun Lei Passaporte, Nasionalidade, Bilhete Identidade no Lei Kazamentu.


Autor Tribunais inklui Procurador, Defensor, Juiz Distritais koalia konaba justisa tuir Kódigu Penál ba knar tuir knar ida-idak. Nune’e mos nu’udár parseiru Ministériu Justisa nian ami konvida mos Sekretaria Estadu Promosaun Igualidade (SEPI) liu husi Diresaun Nasional Politika Dezenvolvimentu Jéneru (DNPDJ) ne’ebé koalia kona-ba Lei kontra Violensia Dométika no mós Sekretaria Estadu Joventude Desportu (SEJD) liu husi Komisaun Regulariza Artes Marsiais (KRAM) ne’ebé koalia kona-ba Lei Artes Marsiais.

Molok remata S.E Vise Ministro da Justica ne’e hateten,: ”Sub-distritu Iliomar hetan atensaun husi ita nia Governu konaba projetu balun ne’ebé ita hanaran PDD 1 no PDD 2 no mos PR. Iliomar tuir fundus ne’ebé estabelese tiha ona, fundus infrastruktura ne’ebé IV Governu konstitusional tau iha Orsamentu Geral do Estadu iha tinan 2011 ho naran Fundu de Infraestruktura atu hodi halao konstruksaun ba dalan ka estrada no sira seluk tan ho fundus ne’ebé estabelese. Projeitu ne’e rasik ne’ebé manan tender atu halo estrada mai Sub-Distritu Iliomar ne’e ema Iliomar nia oan rasik mak manan.”

DNDHC ho Diresaun seluk iha âmbitu Ministériu Justisa hanesan instrumento Governu ne’ebé iha responsabilidade maximu nu’udár organizador, koordenador, mobilizador no implementador ba programa divulgasaun leis no habelar informasaun lei no justisa ba sidadaun hotu iha nasaun ida ne’e hodi bele forma sosiedade ne’ebé forte no sai instrumentu kontrolu sosial ne’ebé iha kualidade no integridade.

Programa neé realiza tamba DNDHC servisu hamutuk ho Diresaun Nasional Terras, Propriedade e Serviços Cadastrais (DNTPSC) Distritu Lautém, Diresaun Nasional Rejistus Notariado (DNRN) Distrito Lautém maske iha Sub-distritu Iliomar situasaun udan no do’ok husi kapital Lautem maibe realiza ho susesu.

Responsabel programa Divulgasaun